"الويب مش هو الإنترنت" ...6 حقائق عن الشبكة العنكبوتية

الـ World Wide Web أو ما يعرف بالشبكة العنكبوتية أو برضه ما يعرف بالـ WWW اللي بتلاقيها قبل اسم كل موقع
 

– الويب في البداية تم تم اختراعه للعلماء، السير تيم وهو عالم كمبيوتر في مختبر بسويسرا كان عايز يشوف طريقة تخلي العلماء يشاركوا تجاربهم وأبحاثهم بسهولة، فا في سنة 1980 اخترع شبكة بيانات اسمها Inquire ودي كانت بتربط الصفحات والمعلومات ودي كانت قريبة من شكل الويب الحالي ولكن مش زيها بالضبط.

– مبدئيًا.. الويب مش هو الإنترنت، وده خلط حاصل عن بعض الناس، الإنترنت هو ببساطة هو شبكة ضخمة من أجهزة الكمبيوتر في كل أنحاء العالم ومتصلة ببعض، إنما الويب هو مجموعة من صفحات الويب الموجودة على شبكة أجهزة الكمبيوتر دي، وأصلا الإنترنت ظهر قبل الويب نفسه.

– أول موقع ويب تم إطلاقه كان في 6 أغسطس سنة 1991 في المنظمة الأوروبية للأبحاث النووية CERN وده المكان اللي كان بيشتغل فيه السير تيم بيرنرز لي وبعد سنة، اتعمل أول خادم ويب أو Web Server خارج أوروبا كان في جامعة ستانفورد في الولايات المتحدة، وفي الوقت ده مكانش غير في 10 سيرفرات أو خوادم ويب حوالين العالم كله.

– في 30 أبريل سنة 1993، المنظمة الأوروبية للأبحاث النووية أعلنت إن شبكة الويب العالمية هتكون متاحة للجميع بشكل مجاني، وقالت في بيان تاريخي: “تتنازل CERN عن جميع حقوق الملكية الفكرية لهذا الكود ويتم منح الإذن لأي شخص لاستخدامها وتكرارها وتعديلها وتوزيعها”
 

– عشان تعمل موقع، يلزمك خادم أو سيرفر، وده اللي بيتخزن عليه كل حاجة، سواء موقع عملته أو بروفايل على أي شبكة تواصل إجتماعي، وأي حاجة بتعملها سواء بوست أو تويتة أو صورة أو فيديو وأي محتوى عموما بتنزله، كل ده بيروح على السيرفر.

– أول مواقع اتعملت كان فيها كلمات وصور بس، مكنش فيه اللي أنت بتشوفوا دلوقتي من فيديوهات وحاجات تانية، وعشان تعمل موقع كنت محتاج تكون قادر تكتب كود بلغة HTML ولكن دلوقتي الموضوع بس سهل جدا وفي دقائق تقدر تعمل موقع.